2025-жылдын 1-июнунда Казакстанда Президенттик жаштардын кадрдык резервине тандоонун кезектеги этабы башталды. Программанын максаты – өлкөнүн өнүгүшүнө салым кошууга жөндөмдүү жана коомго кызмат кылууга багытталган жаш адистерди аныктоо.

Казакстан Республикасынын 35 жашка чейинки жогорку билими жана кеминде беш жылдык иш стажы бар граждандары арыз бере алат. Документти тапшыруу мөөнөтү pkrezerv.gov.kz сайтында 2025-жылдын 30-июнуна чейин ачык.

Талапкерлерге коюлган талаптардын бири – казак тилин билүүсүн ырастоо. Сертификатты KAZTEST системасында же QAZAQ RESMI TEST платформасында (www.qrt.kz) тестирлөө аркылуу алса болот.

27-июнга чейин катышуучулар тестирлөө үчүн акысыз промо-кодду алып, аны 30-июнь саат 13:00гө чейин бүтүрө алышат. Бул жигердүү жаштар үчүн өзүн көрсөтүүгө жана келечектин башкаруу командасынын бир бөлүгү болууга мүмкүнчүлүк.

Фото: МНВО РК