Бүгүн, 18-майда, Кыргыз Республикасынын Жогорку Кеңешинин Төрагасы Нурланбек Тургунбек уулу Россия Федерациясынын Федералдык Жыйынынын Мамлекеттик Думасынын Төрагасы Вячеслав Володин, Казакстан Республикасынын Парламентинин Мажилисинин Төрагасы Ерлан Кошанов жана Тажикстан Республикасынын Парламентинин Мажилисинин Төрагасы О. Идизода «Ала-Арча» жаратылыш паркында болду.

Ардактуу коноктор үчүн кыргыз элинин каада-салтын жана бай маданий мурасын чагылдырган маданий программа, ошондой эле Кыргызстандын руханий баалуулуктарын даңазалаган элдик оюндар жана спектаклдер уюштурулду.

Эске сала кетсек, эртең, 19-майда “Ала-Арча” мамлекеттик резиденциясында Жамааттык коопсуздук келишим уюмунун Парламенттик ассамблеясынын (ЖККУ ПА) Кеңешинин көчмө жыйыны өтөт. Жыйынга Кыргыз Республикасынын Жогорку Кеңешинин Төрагасы, ошондой эле Россия Федерациясынын, Казакстан Республикасынын, Тажикстан Республикасынын жана Беларусь Республикасынын парламенттеринин башчылары катышат.