Эгерде абитуриент мамлекеттик тил сынагынан I жана II этапта өтпөй калса, анда анын акыркы мүмкүнчүлүгү бар – ЖРТнын III этабында тест тапшыруу.21-июнь, 2025-жыл.

Бул тууралуу Билимди баалоо жана окутуу усулдары борборунан билдиришти.

2023-жылдын 17-июлундагы “Мамлекеттик тил жөнүндө” конституциялык мыйзамына жана Кыргыз Республикасынын Билим берүү жана илим министрлигинин 2024-жылдын 7-февралындагы No191/1 буйругуна ылайык, ЖРТдан өтүүдө мамлекеттик тил боюнча милдеттүү тестирлөө киргизилген.

Негизги жана предметтик тесттердин жыйынтыгы мамлекеттик тил сынагынан ийгиликтүү өткөндө гана чыгарылат. Бул тесттен өтпөй калса, ЖРТнын жыйынтыгы берилбейт.

Бирок мамлекеттик тил сынагынын жыйынтыгы ЖОЖдорго кабыл алуу сынагына таасир этпейт.