O‘zbekiston investitsiyalar, sanoat va savdo vaziri Laziz Qudratov Eronga amaliy tashrifi doirasida Tehronda Eronning birinchi vitse-prezidenti Muhammad Rizo Oref hamda sanoat, konlar va savdo vaziri Sayid Muhammad Otaboq bilan uchrashuvlar o‘tkazdi.

Tomonlar o‘zaro savdo hajmini oshirish bo‘yicha birgalikdagi sa’y-harakatlarga kelishib, Imtiyozli savdo to‘g‘risidagi bitim doirasida tadbirkorlar uchun imkoniyatlarni kengaytirish muhimligini ta’kidladilar. Ikki davlat ikki tomonlama munosabatlarni chuqurlashtirish niyatini tasdiqladilar hamda O‘zbekiston va Eron o‘rtasidagi Hukumatlararo qo‘shma komissiyaning 16-yig‘ilishini, shuningdek, biznes-forumni 2025-yilning birinchi choragida o‘tkazish muddatlarini kelishib oldilar.

Muzokaralar natijasida savdo-iqtisodiy, investitsiyaviy va transport sohalaridagi hamkorlikni yanada rivojlantirish bo‘yicha erishilgan kelishuvlarni o‘z ichiga olgan ikki tomonlama bayonot imzolandi.