Май ойи бошида Тбилисида (Грузия) Осиё Тараққиёт Банки Бошқарувчилар Кенгашининг 57-йиллик йиғилиши бўлиб ўтди, унда Ўзбекистон Республикаси Бош вазирининг ўринбосари Жамшид Хўжаев бошчилигидаги Ўзбекистон делегацияси иштирок этди.

«Келажакка кўприк» бош шиори остида ўтказилган тадбир доирасида Ўзбекистон Инвестициялар, саноат ва савдо вазирининг ўринбосари Хуррам Тешабоев ва ОТБ нинг Марказий ва Ғарбий Осиё бўйича Бош директори Евгений Жуков 2025-2027 йилларга мўлжалланган 3,5 миллиард долларлик дастурни амалга ошириш тўғрисида меморандум имзоладилар.

Қайд этилишича, ҳужжатда қайд этилган лойиҳалар «Ўзбекистон – 2030″ривожланиш стратегиясига мос келади.

Ўзбекистон 1995 йилда ОТБ га аъзо бўлди. ОТБ нинг мамлакатдаги ваколатхонаси 1998 йилда очилган. Айни пайтда банкнинг Ўзбекистондаги лойиҳалар портфели 12 миллиард долларни ташкил этади. Биргина 2023 йилда ОТБ 6 та лойиҳа ва 1 та дастур учун 4 та кредит ва 2 та грант ажратди.

Сурат: Podrobno.uz