Ресей БҰҰ Қауіпсіздік Кеңесінде вето құқығын пайдаланып, АҚШ пен Жапония ұсынған ядролық қаруды ғарышқа орналастыруға тыйым салу туралы қарардың жобасын бұғаттады. БҰҰ Қауіпсіздік кеңесіне мүше 15 елдің 13-і қарарға дауыс берді, ал Қытай дауыс беруден бас тартты.

Дауыс беру алдында Ресейдің БҰҰ жанындағы Тұрақты өкілі Василий Небензя бұл құжат Қауіпсіздік кеңесіне мүше елдер арасында одан да көп бөлінуге әкелуі мүмкін екенін атап өтті. Ресей мен Қытай қарардың кез-келген түрін ғарышта орналастырудың алдын-алу шараларын қамтитын қарар жобасына түзету енгізуді ұсынды, бірақ олардың ұсынысы қабылданбады.
Құжат Біріккен Ұлттар Ұйымының ғарыш бағдарламасын әзірлейтін қатысушы елдері бейбітшілікті, қауіпсіздікті қамтамасыз ету, халықаралық ынтымақтастық пен өзара түсіністікті қолдау мақсатында БҰҰ Жарғысын қоса алғанда, халықаралық құқықты сақтауға шақыратын сегіз тармақты қамтиды. Сонымен қатар, құжат барлық елдерге, әсіресе ғарыштық мүмкіндіктері бар елдерге, ғарышты бейбіт мақсатта пайдалануға және ғарыштық қару жарысының алдын алуға шақырады.