Ресей Федерациясы Сыртқы істер министрлігінің басшысы Сергей Лавров Астанада Қытай Халық Республикасынан келген әріптесі Ван Имен кездесу өткізіп, онда Шанхай Ынтымақтастық Ұйымының даму перспективалары талқыланды. Тараптар бұл ұйымның әлемдік және аймақтық саясаттағы беделінің артып келе жатқанын атап өтті, деп хабарлайды Ресей СІМ ресми сайты.

Мәлімдемеде «Шанхай ынтымақтастық ұйымының қазіргі жағдайы мен одан әрі даму перспективалары туралы пікір алмасу болды. Ресей мен Қытайдың сыртқы саяси ведомстволарының басшылары мүше мемлекеттердің Еуразияда бейбітшілік пен тұрақтылықты сақтау жөніндегі ұжымдық күш-жігерін құптады, ұйымның әлемдік және аймақтық істердегі өсіп келе жатқан беделін атап өтті».

Фото: Ресей СІМ баспасөз қызметі