Россия Президенти Владимир Путин Эрон президенти вазифасини бажарувчи Муҳаммад Моҳбер билан телефон орқали мулоқот қилди, дея хабар беради Кремль матбуот хизмати.

Суҳбат чоғида Россия давлат раҳбари Эрон Президенти Иброҳим Раиси ва бошқа бир қатор юқори мартабали амалдорларнинг вертолёт ҳалокатида фожиали ўлими муносабати билан самимий ҳамдардлик билдирди. Владимир Путин Эрон раҳбарини Москва ва Теҳрон ўртасидаги дўстона муносабатларни ривожлантиришга катта ҳисса қўшган ишончли шерик сифатида билишини ва юқори баҳолашини таъкидлади.

Бунга жавобан Моҳбер Владимир Путинга Эрон учун бундай қийин пайтларда қўллаб-қувватлаганини билдиргани учун чуқур миннатдорчилик билдирди. Иккала сиёсатчи ҳам икки давлат ўртасидаги ҳар томонлама ҳамкорликни янада мустаҳкамлаш истагини таъкидладилар.

Сурат: Кремль Матбуот Хизмати