Кыргызстандын Кореядагы элчилигинде Эл аралык тоо күнүнө арналган сүрөт көргөзмө болуп өттү, деп билдирет КР ТИМдин басма сөз кызматы.

Бул иш-чара тоо экосистемаларын сактоо жана тоолуу аймактарды туруктуу өнүктүрүү маселелерине көңүл бурууну көздөгөн Кыргызстандын аракеттеринин бир бөлүгү болуп калды.

Иш-чаранын алкагында Кыргызстандын элчиси Аида Исмаилова сөз сүйлөп, тоолордун дүйнөлүк экосистемадагы маанилүү ролун жана климаттын өзгөрүшү шарттарында алардын аялуу абалын баса белгиледи.

Ал тоолуу аймактарды сактоо үчүн Кыргыз Республикасы тарабынан ишке ашырылып жаткан көптөгөн демилгелер жана иш-чаралар жөнүндө айтып берди.

Алардын ичинде жаратылыш ресурстарын туруктуу башкаруу, биологиялык ар түрдүүлүктү сактоо жана климаттык өзгөрүүлөрдүн таасирин азайтуу боюнча долбоорлор бар.

Иш-чаранын коноктору кыргыз тоолорунун байлыгын жана сулуулугун чагылдырган сүрөттөр менен таанышышты. Иш-чаранын атмосферасын улуттук аспаптарда аткарылган музыкалык чыгармалар толуктады.

Ақпарат көзі: сайт https://caravan-info.kg/