Өзбекстан менен Орусиянын президенттери Шавкат Мирзиёев менен Владимир Путиндин узакка созулган сүйлөшүүлөрүндө өлкөлөр ортосундагы товар жүгүртүүнү жылына 30 миллиард долларга жеткирүү чечими кабыл алынган. Ошондой эле газ транспорт системасын модернизациялоону, газды, мунайды, нефть продуктыларын берүүнү көбөйтүү жана башка перспективдүү демилгелерди  жүргүзүү макулдашылды.

Өзбекстан Республикасынын Президентинин айтымында, Россия Федерациясынын башчысынын зыяратын тарыхый деп эсептөөгө болот, муну менен эки өлкөнүн ортосундагы ар тараптуу стратегиялык өнөктөштүккө жана союздаштыкка негизделген мамилелердин жаңы этабы башталды.

Шавкат Мирзиёев Өзбекстан менен Россиянын ортосундагы кызматташтык мамлекеттер аралык өз ара аракеттенүүнүн кеңири чөйрөсүн камтыган жогорку деңгээлге чыкканын баса белгиледи. Ал ошондой эле мамлекеттердин ортосундагы саясий диалогду мындан ары өнүктүрүү зарылдыгын билдирди.

Өзбекстандын президенти баалоо жана товар жүгүртүүнү көбөйтүү үчүн кошумча резервдерди издөө жаатында, анын ичинде импортту алмаштыруу боюнча программалардын алкагында биргелешкен ишти кайра баштоо ниетин билдирди.

Учурда Өзбекстанда 3000ден ашык биргелешкен ишканалар жана долбоорлор ийгиликтүү иштеп жатат, кызматташтыктын жалпы портфели 45 миллиард долларга жакын. Кошумчалай кетсек, буга чейин ар кандай багыттар боюнча жалпы суммасы 20 миллиард долларлык жаңы долбоорлор боюнча иштер аяктаган.

Сүрөт: http://kremlin.ru/ расмий сайты