28 мамырда Алматыда Бас хатшы Чжан Миннің қатысуымен Шанхай Ынтымақтастық Ұйымына (ШЫҰ) мүше мемлекеттердің туристік әкімшіліктері басшыларының кездесуі өтті.

Іс-шарада ШЫҰ-ның туризм саласындағы 2024-2025 жылдарға арналған туризмнің тұрақты дамуына жәрдемдесуге және туристік қызметтердің сапасын арттыруға бағытталған бірлескен іс-қимыл жоспары қабылданды. Сондай-ақ Қытайдың Циндао қаласының «ШЫҰ туристік және мәдени астанасы»мәртебесіне кандидатурасы қолдау тапты. Іс-шараға қатысушылар әлеуметтік-экономикалық даму үшін туризм саласындағы байланыстарды нығайтудың маңыздылығын талқылады.

Ресми делегациялардың басшылары Алматының және оның айналасындағы туристік нысандарды аралады.

Фото: Бейжіңдегі ШЫҰ Хатшылығы