Өткен аптаның басында Тәжікстан Республикасының Президенті Эмомали Рахмон Соғды облысы Гулистон қаласының Сарбанд махалласында балық өңдеу цехын іске қосып, өндіріс желісінің жұмыс барысымен танысты.

Жаңа өндіріс Елбасының жеке тапсырмасы бойынша Тәжікстан мемлекеттілігінің 35 жылдығына орай жасалған. Цех құқық қорғау органдары мен Тәжікстанның ішкі нарығын балық консервілерімен қамтамасыз ету мақсатында құрылған.

Жаңа цехтың қуаттылығы тәулігіне 1 тонна балық өңдеп, 5000 қораптан астам балық консервілерін шығаруға мүмкіндік береді. Балықтың басым бөлігін Тәжік теңізінен аулау жоспарлануда.

Мемлекет басшысы бұл бастаманы халықтың осы өнім түріне деген сұранысын қанағаттандыруда маңызды деп атап, жауаптыларға шығарылатын өнімнің сапасына үлкен мән беруді тапсырды.

Айта кету керек, Соғды облысында балықты өңдеу мен өндіру көлемін арттыруға зор мүмкіндіктер бар. Қазіргі таңда 5 балық шаруашылығы жұмыс істейді. Алдағы уақытта Соғды облысының Ашт ауданында және Хатлон облысының Носири Хусрав ауданында балық консервілерін шығаратын тағы екі цех салу жоспарлануда.

Фото: Тәжікстан Республикасы Президентінің ресми сайты