Май ойи охирида Ўзбекистон Ташқи ишлар вазирлиги раҳбари Бахтиёр Саидов Таиланднинг элчиси Сасиват Вонгсинсават ва Филиппиннинг янги элчиси Роберто Г. Маналодан ишонч ёрлиқларини қабул қилди. Бу ҳақда идора раҳбарининг расмий телеграм каналида маълум қилинди.
Учрашувда Ўзбекистон ва Таиланд, шунингдек, Ўзбекистон ва Филиппин ўртасидаги ҳамкорликнинг турли жиҳатлари муҳокама қилинди. Иқтисодий ҳамкорликни кенгайтириш, икки томонлама савдо ҳажмини ошириш учун янги имкониятлар топиш, икки мамлакат ишбилармон доиралари ўртасидаги алоқаларни мустаҳкамлаш, туризм, халқ дипломатияси ва маданий ҳамкорликни ривожлантириш масалалари алоҳида таъкидланди.
Мамлакатлар ўртасидаги икки томонлама ва кўп томонлама муносабатлар, келгусидаги ҳамкорлик истиқболлари муҳокамасига алоҳида эътибор қаратилди. Бахтиёр Саидов янги элчиларга тайинлангани учун миннатдорлик билдириб, дипломатик фаолиятида муваффақиятлар тилади.
Сурат: Ўзбекистон Ташқи ишлар вазирлиги