Остона, 4 ноябри соли 2025 АИ «Караван Инфо». Дар Минск, дар китобхонаи Миллии Беларус, конгресси XII Байналмилалии “Феномени фарҳанги китобхона” бахшида ба 80-солагии Ғалаба баргузор шуд. Дар доираи конгресс меморандум дар бораи ҳамкории мутақобила байни маркази миллии дастхатҳо ва китобҳои нодири Вазорати фарҳанг ва иттилооти ҶҚ ва китобхонаи Миллии Беларус ба имзо расид.

Дар конгресс намояндагони кишварҳои ИДМ, инчунин Индонезия, Мали, Мянма, Умон, Фаластин, Сербия, ИМА, Того ва Туркия иштирок намуданд.

Маркази Миллии дастхатҳо ва китобҳои нодири Қазоқистон дар мавзӯи: “Қаҳрамонони Ғалабаи Бузург: андозаи инсонии ҷанг дар асарҳои Бауирҷон Момишулӣ” гузориш пешниҳод намуд.

Тибқи ёддошти имзошуда, ҷонибҳо дар бораи густариши мубодилаи фарҳангӣ ва рушди ҳамкорӣ дар соҳаи кори китобхона ва самтҳои марбут ба он мувофиқа намуданд. Инчунин татбиқи лоиҳаҳои муштарак дар соҳаи рақамикунонӣ, библиография ва иттилооти илмӣ, инчунин мубодилаи ҳуҷҷатҳои китобхона, нашрияҳо ва дигар захираҳои иттилоотӣ ба нақша гирифта шудааст.

Аксҳо: Вазорати фарҳанг ва иттилооти ҶҚ