МОСКВА, 25 октябри соли 2025 АИ «Караван Инфо». Роҳбари фонди сармоягузории мустақими Русия ва намояндаи махсуси президенти ФР Кирилл Дмитриев дар мусоҳиба бо расонаҳои амрикоӣ изҳор дошт, ки Маскав мехоҳад, ки низоъ дар Украина зудтар хотима ёбад, аммо таъкид намуд: “сулҳ танҳо бо назардошти манфиатҳои Русия ва кафолатҳои амнияти он имконпазир аст”.

Ба гуфтаи ӯ, Маскав ҷонибдори ҳалли дипломатӣ аст, аммо бо шартҳое, ки манфиатҳои асосии онро ба назар мегиранд.

“Мо мехоҳем, ки ин низоъ ба таври дипломатӣ хотима ёбад”, — қайд намуд Дмитриев.  Аммо ин танҳо бо назардошти манфиатҳои Русия имконпазир аст. Вай таъкид намуд, ки нерӯҳои мусаллаҳи Русия танҳо ба ҳадафҳои низомӣ зарба мезананд, на ба инфрасохтори шаҳрвандӣ.

Дар сӯҳбат бо Fox News Дмитриев мушаххас намуд, ки ҳалли эҳтимолии масъалаи Украина се унсури асосиро дар бар мегирад — ҷанбаи ҳудудӣ, бетарафии Украина ва кафолати амнияти он.

“Русия ба кафолатҳои амниятӣ барои Украина боз аст” гуфт ӯ.  Аммо масъалаи ҳудудӣ низ вуҷуд дорад, ки бо аҳолии рус алоқаманд аст, ки ҳанӯз пеш аз оғози низоъ мавриди ҳамла қарор гирифта буданд.

Ба гуфтаи Дмитриев, гуфтушунидҳо душвор пеш мераванд, аммо ҷонибҳо дар ҷустуҷӯи тафоҳум идома медиҳанд. Вай инчунин изҳори боварӣ намуд, ки мулоқоти Владимир Путин ва Доналд Трамп “аммо эҳтимолан дертар”  баргузор мешавад.

Дар ҷараёни сафар ба ИМА Дмитриев ният дорад, ки бо намояндагони маъмурияти нави Амрико як қатор вохӯриҳо баргузор кунад. Тибқи иттилои расонаҳо, яке аз онҳо метавонад бо мушовири президент Стив Уиткофф гузарад, аммо худи Дмитриев ин маълумотро тасдиқ нанамудааст.

Бояд қайд намуд, ки Кирилл Дмитриев бо сафари корӣ дар ИМА қарор дорад, ки ҳадафи он шарҳи мавқеи Русия дар ҳалли низоъи Украина мебошад.

Ёдовар мешавем, ки музокироти байни Москва ва Киев баҳори соли 2022 қатъ намуда шуд. Аз он вақт инҷониб, бо вуҷуди талошҳои миёнаравии як қатор кишварҳо, ҷонибҳо ба муколамаи мустақим барнагаштанд.

Аксҳо: РИА “Ахбор”