Ўтган ҳафта Тожикистон Республикаси Президенти Имомали Раҳмон мамлакат Бош вазири, тегишли вазирлик ва идоралар раҳбарлари, тоғли Бадахшон автоном вилояти раиси, Суғд ва Хатлон вилоятлари, шаҳар ва туманлари раисларига табиий офатлар оқибатларининг олдини олиш ва бартараф этиш бўйича зарур чоралар, шунингдек, аҳолини хавф ҳақида хабардор қилиш чораларини кўришни топширди.

Яқин келажакда Тожикистоннинг турли минтақаларида, айниқса тоғли ва тоғ олди ҳудудларида ноқулай об-ҳаво шароити ва табиий офатлар башорат қилинмоқда.

Аввалроқ, 5 май куни кучли ёғингарчилик республикага бўйсунадиган ҳудудлар, Хатлон ва Суғд вилоятлари ҳамда ТБАО ги дарёларда лой кўчкилари ва сув сатҳининг ошишига олиб келди.