Қирғизистон Республикаси Вазирлар Маҳкамаси раисининг ўринбосари Эдил Байсалов Туркия ҳамкорлик ва мувофиқлаштириш агентлиги (TIKA) Президенти Серкан Каялар билан учрашув ўтказди.

Учрашув давомида томонлар Қирғизистон Республикасида ҳамкорлик масалалари ва лойиҳаларни амалга ошириш истиқболларини муҳокама қилдилар.

«Қирғизистон Республикасидаги ҳамкорлик йиллари давомида Туркия ҳамкорлик ва мувофиқлаштириш агентлиги соғлиқни сақлаш, таълим, маданият, ижтимоий ва бошқа соҳаларда муҳим лойиҳаларни амалга оширди. Шу билан бирга, ташрифингиз давомида ижтимоий йўналтирилган лойиҳалар бошланиши кутилаётгани қувонарли. Ишончим комилки, ушбу лойиҳалар мамлакатимизни ижтимоий-иқтисодий ривожлантиришга ҳисса қўшади», — деди Э.Байсалов.

Ўз навбатида, С. Каялар меҳмондўстлик учун миннатдорчилик билдирди ва мамлакатлар ўртасидаги ҳамкорликни янада ривожлантириш ва мустаҳкамлаш муҳимлигини таъкидлади. Туркия ҳамкорлик ва мувофиқлаштириш агентлиги Президенти ташкилот фаолияти ва режалаштирилган лойиҳалари ҳақида гапирди.

Сурат: Қирғизистон Республикаси Вазирлар Маҳкамасининг расмий веб-сайти