Ўзбекистон Республикаси Иқтисодиёт ва молия вазирлигида вазир ўринбосари Ахадбек Хайдаров Халқаро валюта жамғармаси (ХВЖ) вакиллари билан учрашди. Томонлар «2025-2030 йилларда Ўзбекистонда давлат молиясини бошқариш тизимини такомиллаштириш стратегияси» ни ишлаб чиқишнинг дастлабки йўналишларини кўриб чиқдилар.

Келгуси давр учун давлат молиясини бошқариш тизимини ислоҳ қилиш бўйича тадбирлар режасини ишлаб чиқиш ва ушбу стратегия тузилмаси лойиҳасини муҳокама қилишга алоҳида эътибор қаратилди.

Йиғилишда ушбу стратегия халқаро экспертларнинг тавсияларини инобатга олган ҳолда аввалги «Ўзбекистон Республикасининг 2020-2024 йилларга мўлжалланган давлат молиясини бошқариш тизимини такомиллаштириш стратегияси» да назарда тутилган чора-тадбирлар ижросини ҳар томонлама таҳлил қилиш асосида ишлаб чиқилиши таъкидланди.

Ишлаб чиқилаётган стратегияда ўз аксини топган устувор ислоҳотлар бюджет тақвимини қайта кўриб чиқиш, бюджет жараёнини рақамлаштириш бўйича ишларни давом эттириш, дастурий ва «яшил» бюджетлаштириш соҳасидаги ислоҳотларнинг кейинги босқичларини белгилаш, ички аудитни такомиллаштириш ва бухгалтерия ҳисобини халқаро стандартларига мослаштириш жараёнини тезлаштиришдан иборат.

Бундан ташқари, йиғилиш иштирокчилари стратегия лойиҳасини ўз вақтида ишлаб чиқиш ва тасдиқлашни таъминлаш мақсадида Иқтисодиёт ва молия вазирлигининг тегишли тармоқ идоралари ҳамда бошқа вазирлик ва идоралар билан музокаралар ўтказишга келишиб олдилар.

«Ўзбекистонда 2025-2030 йилларга мўлжалланган давлат молиявий бошқарув тизимини такомиллаштириш стратегияси» ишлаб чиқилиши муносабати билан ХВФ миссияси мамлакатда ўз фаолиятини 2024 йил 22 июлгача давом эттиради.