1938-yil 15-yanvari O‘zbekiston tarixida muhim sana bo‘ldi — aynan shu kuni Farg‘ona va Xorazm viloyatlari rasman tashkil etildi. Bu voqealar hududning ma’muriy tuzilishida muhim bosqich bo‘lib, hozirgi kunda ham ramziy ahamiyat kasb etadi.

“Farg‘ona” nomi, ya’ni “tog‘lar bilan o‘ralgan vodiy” bu hududning tabiiy xususiyatlarini ifodalaydi. Hozirda Farg‘ona viloyati tarkibiga 15 ta tuman va 4 ta shahar kiradi, uning ma’muriy markazi Farg‘ona shahridir. Bu yerda 4 milliondan ortiq aholi istiqomat qiladi. Arxivlarda viloyat tarixiga oid qimmatli hujjatlar saqlanib qolgan. Jumladan, 1958-yildagi ‘Sobiq ittifoq respublikalarining hududiy bo‘linishi haqida‘gi kitobda Farg‘ona viloyatining 1954-1957-yillardagi ma’lumotlari keltirilgan bo‘lib, u viloyat Davlat arxivida saqlanmoqda.

1938-yilning ayni shu kunida Xorazm okrugi Xorazm viloyatiga aylantirildi, bu esa tarixiy ahamiyatga ega bo‘lgan mintaqa uchun muhim bosqich bo‘ldi. Ma’muriy markaz etib Urganch shahri belgilandi. Viloyat tashkil etilgan paytda uning tarkibiga ikkita shahar — Urganch va Xiva hamda Gurlan, Xonqa, Yangiariq va boshqa to‘qqizta tuman kirgan edi. Bu davrga oid tarixiy hujjatlar orasida O‘zSSR Markaziy Ijroiya qo‘mitasi Prezidiumi va Xorazm viloyati bo‘yicha Tashkiliy qo‘mita majlislarining bayonnomalari alohida ahamiyatga ega. Ushbu arxiv materiallari Xorazm viloyati davlat arxivida saqlanmoqda.