2025-yilning iyul oyi O‘zbekistonda meteorologik kuzatuvlar tarixidagi eng issiqlardan biriga aylandi. Havoning oʻrtacha oylik harorati iqlim meʼyoridan 1-3 darajaga yuqori boʻldi. Deyarli butun mamlakat hududida, shimoli-g'arbiy hududlar bundan mustasno, oy eng issiq iyul oylari uchligiga kirdi va bir qator hududlarda rekord darajada issiq deb tan olindi.

Oʻzgidromet maʼlumotlariga koʻra, havo harorati deyarli butun oy davomida meʼyordan yuqori boʻlgan. Kunduzi termometrlar 38-41 darajagacha, eng yuqori kunlarda 42-44 darajagacha, janubiy va cho‘l zonalarida esa ekstremal 45-48 darajagacha ko‘tarildi. Ba'zi hududlarda mutlaq harorat rekordlari qayd etilgan yoki o'tgan yillardagi ko'rsatkichlar takrorlangan.

Manba: caravan-info.uz