Қирғизистон Республикаси Вазирлар Маҳкамаси раиси-Қирғизистон Республикаси Президенти маъмурияти раҳбари Ақилбек Жапаровнинг Россия Федерациясига 4 кунлик ишчи ташрифи якунланди.
Вазирлар Маҳкамаси раҳбари Екатеринбургда бўлиб ўтган «технологик шериклик: келажак имиджини шакллантириш» мавзусидаги “ИННОПРОМ 2024” Халқаро саноат кўргазмасида иштирок этди.
A.Жапаров тадбирнинг асосий стратегик сессиясида сўзга чиқди ва бошқа ҳукумат раҳбарлари билан биргаликда Қирғизистон Республикаси павильонига ташриф буюрди.
Бундан ташқари, Вазирлар Маҳкамаси раҳбари Красноярскда бўлиб, у ерда Россия Федерацияси Бош вазирининг ўринбосари Алексей Оверчук билан биргаликда савдо-иқтисодий, илмий-техникавий ва гуманитар ҳамкорлик бўйича ҳукуматлараро Қирғизистон-Россия комиссиясининг 25-йиғилишини ва XI Қирғизистон-Россия минтақалараро конференциясини ўтказди.
Ҳукуматлараро комиссия ва минтақалараро конференция бир қатор ҳужжатлар ва битимлар имзоланиши билан якунланди.
Сурат: Қирғизистон Республикаси Вазирлар Маҳкамасининг расмий веб-сайти