Abduqodir Husanov barcha zarur tibbiy tekshiruvlarni muvaffaqiyatli yakunlab, yaqin kunlarda rasman Angliyaning “Manchester Siti” klubiga qo‘shiladi. O‘zbekiston milliy terma jamoasining 20 yoshli markaziy himoyachisi payshanba kuni kechqurun shaxsiy samolyotda Parijdan Manchesterga yetib keldi, u yerda tibbiy ko‘rikdan o‘tdi va ommaviy axborot vositalari vakillari bilan uchrashdi.

Transfer summasini “Manchester Siti” va Fransiyaning “Lans” klubi o‘rtasida 40 million yevro miqdorida, qo‘shimcha bonuslar imkoniyati bilan kelishildi. Husanov 4,5 yillik shartnoma imzoladi, uni yana 12 oyga uzaytirish imkoniyati mavjud.

Ijtimoiy tarmoqlarda allaqachon «Manchester Siti‘ning 45 raqamli forma kiygan yangi futbolchisining fotosuratlari tarqaldi. Suratlardan birida u klubning futbol operatsiyalari bo‘yicha direktori Chiki Begiristain va o‘z agenti bilan birga tasvirlangan. Pep Gvardiola ham yangi o‘yinchi bilan birgalikda suratga tushdi.