Alibaba Cloud O‘zbekistonda QQS to‘lovchisi sifatida rasman ro‘yxatdan o‘tdi. Bu haqda Soliq qo‘mitasining matbuot xizmati xabar berdi.

Elektron xizmatlar ko‘rsatuvchi xorijiy kompaniyalar faoliyatini qonuniylashtirish jarayoni davom etmoqda. Ushbu ish doirasida soliq idoralari Alibaba Group’ga so‘rov yubordi. Buning natijasida, 28-yanvar kuni Alibaba Cloud (Singapore) Private Limited tax.uz tizimida ro‘yxatdan o‘tdi. Endi bulutli hisoblashlar sohasida ixtisoslashgan bu kompaniya mamlakatimizda QQS to‘lovchisi maqomiga ega bo‘ldi.

Soliq qonunchiligiga ko‘ra, O‘zbekiston fuqarolariga elektron xizmatlar ko‘rsatuvchi xorijiy yuridik shaxslar qo‘shilgan qiymat solig‘ini to‘lashlari shart.