Finlyandiyaning Yoensuu shahrida yengil atletika bo‘yicha xalqaro turnir bo‘lib o‘tdi va unda o‘zbekistonlik sportchilar xalqaro maydonda o‘zlarining yuksak saviyasini yana bir bor isbotladi. Anvar Anvarov uzunlikka sakrash bahslarida ajoyib harakat qilib, joriy mavsumda ikkinchi bor O‘zbekiston rekordini o‘rnatdi — 8,25 metr. Sportchi bu natijani so‘nggi urinishida ko‘rsatib, yaqinda Toshkentda o‘rnatilgan avvalgi rekordini (8,23 m) yangiladi.Uzunlikka sakrash natijalari (erkaklar):
Anvar Anvarov (O‘zbekiston) – 8,25 m
Aniel Molina (Kuba) – 7,86 m
Kristian Pulli (Finlyandiya) – 7,82 m.

Bundan tashqari, Barno Saffulaeva xotin-qizlar o‘rtasidagi balandlikka sakrash bahslarida 1,85 m masofani bosib o‘tib, o‘zini namoyon qildi. Qo‘shimcha ko‘rsatkichlarga ko‘ra, u Shvetsiya va Finlyandiyadan kelgan raqiblariga imkoniyatni boy berib, uchinchi o‘rinni egalladi.

Balandlikka sakrash (ayollar):
Luiza Ekman (Shvetsiya) – 1,85 m
Ella Mikkola (Finlyandiya) – 1,85 m
Barno Saffulaeva (O‘zbekiston) – 1,85 m.