Ostona, 2026 yil 12 fevral – Karavan Info axborot agentligi . Qozog‘iston Prezidenti Qosim-Jomart Tokayev Gretsiya va Portugaliyaning Favqulodda va Muxtor Elchilarining ishonch yorliqlarini qabul qildi. Antoniya Katsura va Xose de Kastro Ataide Amaral davlat rahbariga ishonch yorliqlarini topshirdilar.

Prezident oʻzining tabrik nutqida Qozogʻiston tinchlikparvar tashqi siyosat yuritishini va xalqaro muammolarni faqat diplomatik yoʻllar bilan hal qilish tarafdori ekanligini taʼkidladi.

Davlat rahbari Gretsiya va Portugaliya rahbariyatiga eng ezgu tilaklarini yetkazdi va ularni Ostonaga tashrif buyurishga taklif qildi. Marosim yakunida u diplomatlarni missiyalarining boshlanishi bilan tabrikladi va ularning ishini har tomonlama qo'llab-quvvatlashga tayyorligini bildirdi.

Surat: Akorda