AFGONISTON, 2025-yil 23-iyun – Karavan Info axborot agentligi.Afg‘onistonning sobiq hukumati tashqi ishlar vaziri Muhammad Hanif Atmar AQShning Eron yadroviy inshootlariga hujumini qoralab, buni xavfli harakat deb atadi.

Atmarning fikricha, bunday zarbalar xalqaro me’yorlarni buzadi va Yaqin Sharqdagi barqarorlikka tahdid soladi. Ijtimoiy tarmoqdagi X sahifasida u oʻnlab yillar davomida chet el aralashuvi, urushlar va beqarorlikdan aziyat chekayotgan va hozirgi inqiroz oqibatlarini his qilayotgan Afgʻoniston har qanday harbiy zoʻravonlikka qatʼiy qarshi ekanini taʼkidladi.

Sobiq vazir mintaqani va butun dunyoni keskinlashuvdan himoya qilish uchun aloqador davlatlarni kuch ishlatishdan tiyilib, inqirozni muloqot orqali hal qilishga chaqirdi.

Foto: IA Karavan Info hamkorlari