BAA moliya masalalari bo‘yicha davlat vaziri Muhammad bin Hodiy Al Husayniy O‘zbekiston Bosh vaziri o‘rinbosari, iqtisodiyot va moliya vaziri Jamshid Qo‘chqorov bilan onlayn uchrashuv o‘tkazdi. Muhokamaning asosiy mavzusi moliya sohasidagi hamkorlikni rivojlantirish va sheriklikning yangi yo‘nalishlarini izlash bo‘ldi, deb xabar bermoqda WAM.

Al Husayniy mamlakatlar o‘rtasidagi mustahkam ikki tomonlama aloqalarni va O‘zbekistonning taraqqiyot strategiyasi doirasidagi yutuqlarini yuqori baholaganini ta’kidladi. «Moliyaviy yetakchilik dasturi» doirasida o‘zbek delegatsiyasining noyabr oyida BAA Moliya vazirligiga tashrifidan so‘ng moliyaviy munosabatlarni mustahkamlashning ahamiyatiga alohida e’tibor qaratildi. Ushbu dastur moliya, bank faoliyati va investitsiyalar sohalarida tajriba almashishga qaratilgan.