Bahodir Begalov O‘zbekiston Prezidenti huzuridagi Statistika agentligi direktori vazifasidan ozod qilindi.

56 yoshli Begalov 2017 yilning may oyidan beri Davlat statistika qo‘mitasiga rahbarlik qilib kelayotgan edi. 2022 yil dekabrda idora qayta tashkil etilgach, u Statistika agentligi direktori lavozimini egalladi.

Bundan oldin, 2012 yildan 2016 yilgacha Begalov Davlat statistika qo‘mitasi raisi o‘rinbosari lavozimida faoliyat yuritgan, so‘ngra Toshkent moliya instituti rektori etib tayinlangan edi.