Ҳозирда БРИКС нинг «шериги» ёки «кузатувчиси» атамасини ҳуқуқий мустаҳкамлаш бўйича ишлар олиб борилмоқда.

M.Рыженковнинг сўзларига кўра, БРИКС аъзолари билан музокаралар натижасида Белоруссияни ташкилотнинг биринчи шериклари қаторига киритиш тўғрисида келишувга эришилди. У бундай давлатлар 10 дан ортиқ бўлмайди ва Белоруссия улар орасида бўлади дея таъкидлади. Вазир, шунингдек, БРИКС нинг барча аъзолари Белоруссияни шериклари орасида кўришга тайёрлигини билдирди.

Бундан ташқари, Максим Рыженков Беларусь Республикаси Президенти Aлександр Лукашенко Қозон шаҳрида БРИКС саммитида иштирок этишни режалаштирмоқда, деб айтди. Мамлакат аллақачон ташкилот билан фаол ҳамкорлик қилмоқда ва унинг тадбирларида иштирок этмоқда.

Беларусь ўтган йили БРИКС га аъзо бўлиш учун ариза берган ва унинг интилиши Россия билан яқин ҳамкорлик орқали қўллаб-қувватланган. Янги аъзоларни қабул қилишда пауза бўлишига қарамай, ташкилот мамлакатлари Белоруссия тўлиқ аъзо бўлишидан олдин қўшилиши мумкин бўлган шерик давлатлар тоифасини яратишга қарор қилишди.

Жорий йил бошидан буён БРИКС га раислик қилиб келаётган Россия ташкилот ичидаги ҳамкорликни мустаҳкамлаш бўйича фаол чоралар кўрмоқда. Россия раислигида БРИКС аллақачон адолатли глобал ривожланиш ва хавфсизлик учун кўп томонлама муносабатларни мустаҳкамлашга қаратилган 200 дан ортиқ тадбирларни ўтказган.

Сурат: Наталия Федосенко / ТАСС