2024-yilda Belarus va O‘zbekiston korxonalari o‘rtasidagi birja savdosi hajmi 55 million dollargacha ko‘tarilib, o‘tgan yilga nisbatan uch barobar oshdi. Bu ma’lumotni Belarus universal tovar birjasi (BUTB) Gomel filiali direktori Grigoriy Ginsar Farg‘ona viloyati delegatsiyasi bilan uchrashuvda bildirdi, deya xabar bermoqda BELTA.

Ginsarning aytishicha, savdo aylanmasining o‘sishiga O‘zbekistondan birja savdolari ishtirokchilari sonining ko‘payishi va tovarlar turlarining kengayishi turtki bo‘ldi. Yil boshida birjada 97 ta o‘zbek kompaniyasi ro‘yxatdan o‘tgan bo‘lsa, dekabr oyiga kelib ularning soni 177 taga yetdi.

Shuningdek, u birja savdolariga qiziqishning ortishi O‘zbekiston tadbirkorlik doiralari vakillari bilan olib borilgan faol axborot ishlarining natijasi ekanligini ta’kidladi.