O‘zbekiston va Belarus standartlashtirish hamda muvofiqlikni baholash sohasida hamkorlik to‘g‘risidagi memorandumni imzoladilar. Hujjat O‘zbekiston texnik jihatdan tartibga solish agentligi (“O‘zstandart”) vakillarining Minskka tashrifi doirasida imzolandi.

Tomonlar xalqaro va mintaqaviy hamkorlik doirasida kelishilgan siyosatni yuritish va bir-birini qo‘llab-quvvatlash bo‘yicha kelishib oldilar. Tajriba almashish va mutaxassislar tayyorlashga alohida e’tibor qaratildi. O‘zbekiston ilmiy sinovlar va sifat nazorati markazi direktor o‘rinbosari G‘ayratjon G‘oziyev Belarus tajribasining qimmatli ekanligini ta’kidlab, o‘zbek ekspertlarini Belarusda o‘qitishga qiziqish bildirdi. O‘z navbatida, Belarus standartlashtirish instituti rahbari Aleksandr Skuratov bu yo‘nalishda yordam ko‘rsatishga tayyorligini tasdiqladi.

Ikki mamlakat o‘rtasida diplomatik munosabatlar 1993-yilda o‘rnatilgan. O‘shandan beri iqtisodiy hamkorlik jadal rivojlanib kelmoqda. O‘zaro savdo-sotiq ‘Savdo munosabatlari to‘g‘risida‘gi ikki tomonlama bitim va MDH erkin savdo zonasi to‘g‘risidagi shartnomaga muvofiq boj to‘lovlarisiz amalga oshirilmoqda.