Qirg‘iziston futbol ittifoqi (KFU) ofisida FIFA MA hakamlari uchun seminar yakunlandi. Tadbir yakunida barcha ishtirokchilarga rasmiy sertifikatlar topshirildi. Besh kunlik treningda jami 35 nafar hakam va 25 nafar inspektor qatnashdi.

Mashg'ulotlar Singapur, O'zbekiston va Malayziyadan kelgan tajribali FIFA instruktorlari tomonidan olib borildi. Seminardan ko‘zlangan asosiy maqsad hakamlar malakasini oshirishning nazariy va amaliy darajasini oshirish, shuningdek, IFAB va FIFA tomonidan qabul qilingan futbol qoidalariga kiritilgan so‘nggi o‘zgarishlar bilan tanishtirishdan iborat bo‘ldi.

Instruktorlar tomonidan tashkil etilgan amaliy mashg‘ulotlar va videotahlillar maydonda qoidalarni yanada to‘g‘ri qo‘llash va o‘yinlarda to‘g‘ri qaror qabul qilishga xizmat qildi.