2025 yilda Lev Tolstoy va Logvinenko ko'chalarida sug'orish ishlarini ta'minlash uchun mo'ljallangan yangi quduq ishga tushirildi.
Chuqurligi 140 metr bo‘lgan quduq soatiga 65 kub metrgacha suv yetkazib bera oladi, bu esa atrofdagi hududlarni samarali sug‘orish imkonini beradi.
Yangi suv manbai 8 gektar yerni sug‘orish, ko‘kalamzorlashtirish uchun qulay sharoit yaratmoqda.
Quduqning ishga tushirilishi suv ta’minotidagi mavjud muammolarni hal qiladi va shahar yashil infratuzilmasini rivojlantirishga xizmat qiladi. Bu qadam kompaniyaning ekologik vaziyatni yaxshilash va shaharni obodonlashtirish borasidagi tizimli ishlarining bir qismidir.
Joriy yil oxirigacha yana ikkita quduq burg‘ilash rejalashtirilgan bo‘lib, bu irrigatsiya tizimi qoplamini sezilarli darajada kengaytirish va poytaxt yashil hududlarini parvarish qilish samaradorligini oshirish imkonini beradi.

11.09.2025 07:44:56