Qirg‘iziston olimpiya terma jamoasiga (U-23) yangi bosh murabbiy tayinlandi. Qirg‘iziston futbol ittifoqi qaroriga ko‘ra, bu o‘rinni UEFA PRO litsenziyasiga ega braziliyalik mutaxassis Edmar Laserda egalladi.

Laserda avvalroq Braziliyaning Independiente, Paulista va Internacional klublarida professional futbolchi sifatida o'ynagan. 2003 yilda u Ukrainaga ko'chib o'tdi va u erda faoliyatini "Tavriya", "Metalist", "Dnepr" kabi klublarda davom ettirdi.

Ukraina fuqaroligini olgan Edmar 2011 yildan 2014 yilgacha Ukraina terma jamoasida o'ynagan.

Murabbiylik faoliyatini 2019-yilda boshlagan.2023-yilga qadar “Metalist 1925” klubida, 2024-yilda esa Qozog‘istonning “Tobol” klubida yordamchi murabbiy bo‘lgan.

Laserda shu yilning sentabr oyida bo'lib o'tadigan Osiyo Kubogi saralashida milliy terma jamoani boshqarishi kutilmoqda.