Turkiya Prezidenti Rajab Toyyib Erdo‘g‘on O‘zbekiston va Ozarbayjon tashqi ishlar vazirlari Baxtiyor Saidov va Jayxun Bayramov bilan uchrashuv o‘tkazdi.

O‘zbekiston tashqi ishlar vazirligi rahbari uchrashuvni katta sharaf deb baholadi hamda Turkiya prezidentiga Shavkat Mirziyoyevning samimiy salomi va maktubini yetkazganini ma’lum qildi. Saidov O‘zbekiston va Turkiya rahbarlari o‘rtasidagi do‘stona munosabatlar hamkorlikni yanada rivojlantirish uchun mustahkam asos yaratishini ta’kidladi.

U, shuningdek, umumiy tarix, an’ana va madaniyat bilan bog‘langan O‘zbekiston va Turkiya farovon kelajakni barpo etishga qaratilgan aloqalarni mustahkamlashda davom etayotganini qayd etdi.