Kecha Gollandiyaning Eyndxoven shahrida boks bo‘yicha nufuzli xalqaro turnir – Eyndxoven kubogi start oldi va unda 28 davlatdan 180 nafarga yaqin sportchi ishtirok etmoqda. Ishtirokchilar orasida O‘zbekiston terma jamoasi ham bor, uni terma jamoa bosh murabbiyi To‘lqin Qilichev boshchiligidagi uch nafar bokschi himoya qilmoqda.

Bir kun avval qura tashlash marosimi va texnik komissiya yig‘ilishi bo‘lib o‘tdi, natijada sportchilarimizning turnir startidagi raqiblari aniqlandi.

60 kg gacha vazn toifasida 2024 yilgi Parij Olimpiadasi chempioni va jahon chempioni Abdumalik Xaloqovturnirni “A” guruhida mezbon mamlakat Gollandiya vakiliga qarshi jang bilan boshlaydi. Ushbu toifaga jami 23 nafar bokschi kiritilgan.

30 nafar sportchi ishtirok etayotgan 70 kilogrammgacha vazn toifasida Asadxuja Muidinxujaev— O‘zbekiston terma jamoasi tarkibida yana bir Olimpiya chempioni ilk jangini ukrainalik raqibiga qarshi o‘tkazadi.

90 kg vazn toifasida To'rabek Habibullayevdebyut jangida litvalik bokschi bilan uchrashadi.

Bellashuvlar o‘nta vazn toifasida o‘tkazilib, 9 iyunga qadar davom etadi.