Kon-geologiya vazirligi ijro.gov.uz tizimidagi nazorat topshiriqlarini bajarish samaradorligi bo‘yicha iqtisodiy o‘quv mashg‘uloti o‘tkazdi. 31-yanvar kuni bo‘lib o‘tgan tadbirda vazirlik markaziy apparati rahbarlari, idoraviy tashkilotlarda ijro intizomiga mas’ul shaxslar, shuningdek, Vazirlar Mahkamasi, Hisob palatasi va Adliya vazirligi vakillari ishtirok etishdi.

O‘quv mashg‘uloti doirasida Geologiya vazirligining Nazorat va ijro intizomi boshqarmasi boshlig‘i M. Rahimov 2024 yilda vazirlik oldiga qo‘yilgan vazifalarning bajarilishi tahlilini va 2025 yilda ularni samarali amalga oshirish rejalarini taqdim etdi. Bundan tashqari, Prezident hujjatlari ijrosini nazorat qilish, Geologiya vazirligining Hisob palatasi bilan hamkorligi va qonun hujjatlari bilan ishlashni takomillashtirish chora-tadbirlariga oid masalalar ko‘rib chiqildi.