Dushanbe, 15 iyul – “Karavan Info” IA.Joriy yilning 15-20 iyul kunlari Sug‘d viloyatining Guliston shahrida Mustaqil Davlatlar Hamdo‘stligi (MDH)ga a’zo davlatlar yosh yo‘l harakati inspektorlarining III Davlatlararo yig‘ilishi bo‘lib o‘tadi. Bu haqda Tojikiston Respublikasi Ichki ishlar vazirligi xabar berdi.

Yig‘ilish 16 iyul kuni Xo‘janddagi Rudakiy saroyida boshlanadi.

Musobaqada Tojikiston, Ozarbayjon, Belarus, Qozog‘iston, Qirg‘iziston, Rossiya Federatsiyasi va O‘zbekistondan 7 nafar yosh inspektorlar jamoasi ishtirok etadi.

Ishtirokchilar “Uskunalarni tekshirish”, “Yo‘l harakati qoidalari mutaxassislari”, “Xavfsiz g‘ildirak”, “Yo‘l harakatini nazorat qiluvchi yosh”, “Mening jamoam”, “Targ‘ibot guruhlari”, “Mutaxassislar”, “Yosh targ‘ibotchi” nominatsiyalari bo‘yicha o‘zaro bellashadilar.

Tanlovdan ko‘zlangan maqsad targ‘ibot-tashviqot ishlarini yanada kuchaytirish, yo‘l-transport hodisalarining oldini olish va voyaga yetmaganlar o‘rtasida yo‘l harakati qoidalarini chuqur o‘rganishdan iborat.

SURAT: Tojikiston Respublikasi Ichki ishlar vazirligi