MOSKVA, 2025-yil 6-oktabr – Karavan Info axborot agentligi.Hindistondagi Maxajan poligonida “Indra 2025” rus-hind qo‘shma harbiy mashg‘ulotlarining ochilish marosimi bo‘lib o‘tdi. Ikki davlatning quruqlik, havo va dengiz kuchlari ishtirokidagi qo‘shma manevrlar Moskva va Nyu-Dehli o‘rtasidagi o‘nlab yillar davom etgan harbiy-texnik hamkorlikni rivojlantirishda yangi bosqichni boshlab berdi.

Mashg‘ulotlar davomida harbiy xizmatchilardan mintaqaviy xavfsizlik va barqarorlikni mustahkamlashga qaratilgan keng ko‘lamli vazifalarni bajarish talab etiladi.

Asosiy e'tibor terrorizmga qarshi operatsiyalar davomida o'zaro hamkorlikni mashq qilish, aloqalarni tashkil etish va murakkab, jangovar sharoitlarda qo'shma qo'shinlar guruhini boshqarishga qaratiladi.

Indra mashg'ulotlari Rossiya va Hindiston o'rtasidagi strategik sheriklikning an'anaviy elementiga aylandi. Bu manyovrlar nafaqat ikki davlat harbiylari o‘rtasidagi ishonch va operativ hamkorlikni kuchaytiribgina qolmay, balki Osiyoning barcha xalqlari manfaatlariga javob beradigan ko‘p qutbli xalqaro xavfsizlik tizimini yaratishga ham salmoqli hissa qo‘shmoqda.

Foto: Rossiya Mudofaa vazirligi matbuot xizmati