Америкалик брокер Interactive Brokers (IB) бир қатор россиялик мижозларининг ҳисобларини ёпишда давом этмоқда ва буни санкциялар хавфини бошқариш чоралари билан изоҳламоқда. Компания вакили ҳисобларнинг ёпилиши Россия фуқаролиги ёки резидентлиги билан боғлиқ эмаслигини, аммо IB томонидан санкциялар талаблари ва молиявий хавфсизликка мувофиқлигини мунтазам текшириш билан боғлиқлигини тушунтирди.

IB маълумотларига кўра, компания ўзи фаолият юритаётган юрисдикциялардаги санкциялар хавфини доимий равишда кузатиб боради, бу эса бундай хавф-хатарларга дучор бўлган ҳисобларнинг даврий ёпилишига олиб келади. 2024 йил октябрь ойи охирида Interactive Brokers баъзи россиялик мижозларига 30 кун ичида ҳисоб рақамларини ёпишни ёки ўз активларини Automatic Customer Account Transfer System (ACATS) ёрдамида бошқа брокерга ўтказишни талаб қилиб билдиришномалар юборишди. Ушбу ҳисоблар «Фақат ёпиш» режимига ўтказилди, бу эса мижозларга янги позицияларни очишни чеклайди.

Биринчи марта Interactive Brokers 2022 йилда, евро билан операцияларни чеклайдиган Европа Иттифоқи санкциялари киритилгандан сўнг, росиялик мижозларининг ҳисобларини блокировка қилишни бошладилар. Бундан ташқари, брокер рублда ҳисобларни тўлдиришни тақиқлади, шунингдек юань ва турк лирасида пул ўтказмаларини блоклади.

Сурат: interactivebrokers.co.uk