2025-yil 19-iyul kuni Issiqko‘l viloyatining Jeti-O‘g‘uz tumanida yem-xashak yig‘ishning zamonaviy usullariga bag‘ishlangan seminar bo‘lib o‘tdi.

Tadbir Birlashgan Millatlar Tashkilotining Oziq-ovqat va qishloq xo‘jaligi tashkilotining (FAO) Qirg‘iziston Respublikasidagi vakolatxonasi, maslahatchilar, Qirg‘iziston Kooperativlar ittifoqi menejerlari hamda Qishloq xo‘jaligida kooperatsiya, mexanizatsiya va innovatsion texnologiyalar departamenti mutaxassislari ishtirokida tashkil etildi.

To‘n va Jeti-O‘g‘iz tumanlarida o‘tkazilgan seminarda viloyat fermerlari, qishloq xo‘jaligi kooperativlari vakillari, mahalliy hokimliklar mutaxassislari va boshqa manfaatdor shaxslar ishtirok etdi.

Ishtirokchilarga ozuqa tayyorlash bo‘yicha zamonaviy texnologiya va amaliyotlar, qishloq xo‘jaligining boshqa muhim yo‘nalishlari – baliqchilik, chorvachilik, qayta ishlash kooperativlari va savdo-logistika markazlari haqida ma’lumotlar taqdim etildi.

Mazkur tadbir tajriba va bilim almashish uchun muhim maydon bo‘lib, Qirg‘izistonda qishloq xo‘jaligi kooperatsiyasini rivojlantirish va oziq-ovqat xavfsizligini ta’minlashda yana bir qadam bo‘ldi.