Vazirlar Mahkamasi Raisi – Qirg‘iziston Respublikasi Prezidenti Administratsiyasi rahbari Adilbek Qosimaliev boshchiligida Qirg‘iziston Respublikasi Vazirlar Mahkamasining navbatdagi majlisi bo‘lib o‘tdi.

Yig‘ilishda hukumat va bir qator mas’uliyati cheklangan jamiyatlar o‘rtasida tuzilgan investitsiya loyihalarini amalga oshirishga doir masalalar hamda Vazirlar Mahkamasi qarorlari loyihalari ko‘rib chiqildi.

Issiqko‘l tumanidagi To‘ru-Ayg‘ir-Tamchin MFYda quvvati 1900 MVt bo‘lgan quyosh elektr stansiyasini qurish va foydalanish loyihasi bo‘yicha investitsiya shartnomasini tasdiqlashga alohida e’tibor qaratildi.

Energetika vaziri Taalaybek Ibrayev kuz-qish davrida 3-4 milliard kVt/soat elektr energiyasi taqchilligini hisobga olib, qayta tiklanuvchi energiya manbalari sohasida loyihalarni amalga oshirish mamlakatimiz uchun ustuvor vazifa ekanini ta’kidladi.

Yig‘ilish yakunida Vazirlar Mahkamasi Raisi mas’ul davlat va munitsipal organlarga qabul qilingan qarorlar ijrosini sifatli ta’minlash bo‘yicha topshiriqlar berib, Prezident Administratsiyasi uchun normativ-huquqiy hujjatlarni tayyorlashda andozalarga qat’iy rioya etishni ta’kidladi.