Issiqko‘l viloyati IIB tomonidan ma’lum qilinishicha, Turizm ekologiya xizmati xodimlari tomonidan noqonuniy baliq ovlash va brakonerlikka qarshi tezkor tadbirlar o‘tkazilmoqda.

Ushbu harakatlar Qirg‘iziston Respublikasi Prezidenti Sadir Japarov tomonidan imzolangan 131-sonli Qonun talablarini amalga oshirish doirasida Issiqko‘lning ekologik xavfsizligini ta’minlash maqsadida amalga oshirilmoqda.

Reydlardan ko‘zlangan asosiy maqsad ko‘lda noqonuniy baliq ovlash, ayniqsa, brakonerlik to‘rlaridan foydalanishning oldini olishdan iborat. Sohilboʻyi hududlarida ham, suv sathida ham nazorat kuchaytirilib, har bir qoidabuzarlik holati boʻyicha tezkor choralar koʻrilmoqda.

Profilaktika doirasida joylarda aholi bilan tushuntirish ishlariga alohida e’tibor qaratilmoqda. Qishloq aholisiga huquqiy normalar, atrof-muhitni muhofaza qilishning ahamiyati va qonuniy baliq ovlash qoidalari haqida batafsil tushuntirishlar berilayotir.