Istanbulda Jahon banki guruhi tomonidan “Transport sohasida ayollar: rahbar va xodim sifatida ayollarni qo‘llab-quvvatlash” mavzusida anjuman tashkil etildi. O‘zbekiston Transport vazirligi vakillari ushbu sohada ayollarning o‘rnini kengaytirishga qaratilgan ikki kunlik forumda ishtirok etishdi.

Turkiya infratuzilma va transport vaziri Abdulqodir Uraloglu tadbirni ochib berar ekan, transport va logistika uzoq vaqt davomida faqat erkaklarga xos soha deb hisoblanganini ta’kidladi. Biroq, bugungi kunda kasblarda gender to‘siqlar bo‘lmasligi kerakligi ayon bo‘lmoqda.

Anjumanda ayollarni transport sohasiga jalb etish bo‘yicha muhim qadamlar muhokama qilindi. Bular orasida ish bilan ta’minlash uchun qulay shart-sharoitlar yaratish, me’yoriy-huquqiy bazani takomillashtirish, fan va texnologiyalar sohasida ayollar karyerasini qo‘llab-quvvatlash, shuningdek, mamlakatlar o‘rtasida ilg‘or tajriba almashish kabi masalalar bor. Ayollarni yetakchi va yuqori malakali texnik lavozimlarga rag‘batlantirishga alohida e’tibor qaratildi.