2024 йил 15 июлда Қозоғистон Республикаси Экология ва табиий ресурслар вазирлиги ва Бутунжаҳон табиатни муҳофаза қилиш жамғармаси (WWF International) ўртасида Қозоғистон Республикасида йўлбарсларни реинтродукция қилиш дастурини амалга ошириш бўйича ҳамкорлик меморандуми имзоланди.

Мазкур меморандум Иле-Балхаш табиий қўриқхонасининг биохилма-хиллиги ва инфратузилмасини тиклаш борасида салмоқли ютуқларга эришган ҳамкорликнинг давомидир.

2024 йил 27 июнь куни Нидерландияда Қозоғистон Республикаси Экология ва табиий ресурслар вазирлигининг Ўрмон хўжалиги ва ёввойи табиат қўмитаси ва “Landgoed Hoenderdaell” ҳайвонот боғидаги «Stichting Leeuw» Мушуклар оиласининг йиртқичлар учун махсус маркази ўртасида ҳамкорлик келишуви ва иккита амур йўлбарслари (эркак ва урғочи) учун ҳадя шартномаси имзоланди.  Уларни “Иле-Балхаш” Давлат қўриқхонасига кўчириш бу йил кузга режалаштирилган.

Йўлбарсларнинг барча кичик турларидан фақат амур ва тўрон ҳақиқий қиш шароитида яшашга мослашган, шунинг учун Қозоғистонда амур йўлбарсларидан реинтродукция учун фойдаланиш уларнинг янги экологик шароитларга мослашиш жараёнини осонлаштиради.

Сурат: Қозоғистон Республикаси Экология ва табиий ресурслар вазирлиги