Qirg‘iziston Respublikasi Mehnat, ijtimoiy himoya va migratsiya vaziri Ravshanbek Sobirov BMT Jahon oziq-ovqat dasturining Qirg‘izistondagi vakili Kojiro Nakay bilan birgalikda monitoring doirasida Kemin tumanidagi Chimqo‘rg‘on qishlog‘ida bo‘lib, uzum ko‘chatlari ekish loyihasi bilan tanishdi, mahalliy aholiga oziq-ovqat paketlari tarqatildi.

Yordam Vazirlar Mahkamasi va BMT Jahon oziq-ovqat dasturi (2023–2027) oʻrtasida “Mehnat uchun oziq-ovqat” loyihasi boʻyicha besh yillik memorandum doirasida taqdim etildi. Qishloqda 79 nafar kam ta’minlangan va ehtiyojmand loyiha ishtirokchilarining har biriga 300 kilogrammdan un va 30 litrdan o‘simlik yog‘i berildi.

Vazir o‘z nutqida aholining faol ishtirokida 25 gektar maydonga 50 ming tup uzum ko‘chati ekilganini ta’kidladi. Bu ishlar nafaqat oziq-ovqat yordami, balki vaqtinchalik ish o‘rinlari yaratish, infratuzilmani yaxshilash, hududning iqtisodiy salohiyatini mustahkamlashga xizmat qiluvchi loyiha doirasida amalga oshirildi.

2028-yilga mo‘ljallangan 13 gektar maydonda mevali bog‘ barpo etish, tokzorlarni parvarish qilishni tashkil etish va mahsulotlarni sotish kelgusida mahalliy byudjetga qo‘shimcha daromad keltirish imkonini beradi.

– Bunday yondashuv bir vaqtning o‘zida bir nechta muammolarni – aholining ijtimoiy himoyaga muhtoj qatlamlarini qo‘llab-quvvatlash, mahalliy iqtisodiyotni rivojlantirish va qishloqlar barqarorligini ta’minlashga imkon beradi, – deydi Ravshanbek Sobirov.

Kojiro Nakai Jahon oziq-ovqat dasturi Qirg‘izistonda oziq-ovqat xavfsizligi va qishloq taraqqiyotini mustahkamlashga qaratilgan qo‘shma tashabbuslarni qo‘llab-quvvatlashni davom ettirishga tayyorligini tasdiqladi.