26 may kuni futbol bo‘yicha Qirg‘iziston Respublikasi terma jamoasi yig‘ini boshlandi. Yig'in iyun oyida bo'lib o'tadigan JCh-2026 saralashining uchinchi bosqichi o'yinlariga tayyorgarlik ko'rish maqsadida o'tkazilmoqda.

"Muras Yunayted" bazasida bosh murabbiy Maksim Lisitsin boshchiligidagi ilk mashg'ulot bo'lib o'tdi. Qirg‘iziston futbol federatsiyasi prezidenti Qamchibek Tashiev yig‘inga tashrif buyurib, futbolchilarga muvaffaqiyat tiladi.

Eslatib o'tamiz, JCh-2026 saralashining 3-bosqichi doirasida Qirg'iziston terma jamoasi 5 iyun kuni KXDR termasiga qarshi safarda, 10 iyun kuni esa o'z maydonida BAA termasiga qarshi bahs olib boradi.

Ushbu o‘yinlarga tayyorgarlik ko‘rish maqsadida Maksim Lisitsin boshchiligidagi jamoa Bishkekda yig‘inni boshlagan bo‘lsa, 30-maydan boshlab Saudiya Arabistonida yig‘inni davom ettiradi.Shimoliy Koreyaga qarshi o‘yin Saudiya Arabistonining Ar-Riyod shahrida bo‘lib o‘tadi.