Шимолий Корея раҳбари Ким Чен Ын Россия президенти Владимир Путинга мамлакат шимолида содир бўлган тошқин оқибатларини бартараф этишга ёрдам беришни таклиф қилгани учун миннатдорчилик билдирди.

«Ҳурматли ўртоқ Ким Чен Ын КХДР ҳукумати, КМП, Корея халқи номидан ва ўз номидан Президент Владимир Владимирович Путин ва Россия Федерацияси ҳукуматига самимий миннатдорчилик билдирди», – деди Корея Марказий телеграф агентлиги (КМТА) баёнотида.

КХДР раҳбари, шунингдек, агар керак бўлса, қўллаб-қувватлаш учун Москвага мурожаат қилишини таъкидлади.

Сурат: КМТА