Buyuk Britaniya xalqaro bozorlarda Britaniya biznesini rivojlantirish, eksportni kengaytirish va investitsiyalarni jalb qilish uchun 32 nafar yangi savdo vakilini tayinlaganini e’lon qildi. Bu mutaxassislar qabul qiluvchi mamlakatlarning diplomatik vakolatxonalari, savdo komissarlari va mahalliy hokimiyat organlari bilan yaqin hamkorlikda faoliyat olib boradi.

Savdo vakillari chet el hukumatlari bilan aloqalarni yo‘lga qo‘yish, ishbilarmonlik missiyalarini amalga oshirish, xorijiy delegatsiyalar bilan hamkorlik qilish va savdo to‘siqlarini bartaraf etish bilan shug‘ullanadi. Tayinlanganlardan biri 69 yoshli lord Jon Olderdais bo‘lib, u Shimoliy Irlandiyalik siyosatchi va Liberal-demokratlar partiyasi vakilidir. U Buyuk Britaniyaning Ozarbayjon va Markaziy Osiyo mamlakatlari bilan savdo aloqalarini nazorat qiladi.

Olderdais boy siyosiy tajribaga ega: u 1998-yildan 2004-yilgacha Shimoliy Irlandiya Assambleyasi spikeri lavozimida ishlagan.