O‘zbekiston Markaziy banki oltin-valyuta zaxiralarini xilma-xil qilish maqsadida xorijiy mamlakatlarning davlat obligatsiyalarini xarid qilishni davom ettirishni rejalashtirmoqda. Bu haqda Markaziy bank raisining o‘rinbosari Abror Mirzo Olimov ma’lum qildi.

Uning aytishicha, o‘tgan yili boshlangan AQSH qimmatli qog‘ozlarini sotib olish amaliyoti bu yil ham saqlanib qoladi. G‘azna obligatsiyalarini xarid qilish to‘g‘risidagi qaror iqtisodiy vaziyatga va AQSH Federal zaxira tizimi belgilaydigan foiz stavkasiga bog‘liq bo‘ladi.